Cachopín de ternera con queso de barra El Labrador Estradense y cecina sobre salsa de queso Cabrales a la sidra

O cachopo é un prato típico da gastronomía asturiana, caracterizado normalmente, polo seu excesivo tamaño e infinidade de posibilidades en canto a recheos e acompañantes.


INGREDIENTES

Filetes de tenreira (parte da cadeira, tapa ou baba), individuais (serían 8 en total) ou 4 cortados en forma de libro.

8 rebandas de queixo de barra El Labrador Estradense

4 rebandas de chacina

2 ovos

Aceite de oliva suave

Fariña

Sal

Pementa

200m/l de tona

50m/l de sidra natural da Estrada

90 gramos de queixo Cabrales

ELABORACIÓN

Empeza coa elaboración do cachopo. Para iso selecciona os filetes que teñan un tamaño similar (desbotando a posible graxa dos exteriores) e, con axuda dun rolo, man de morteiro, mazo ou pedra, aplástaos e estíraos co fin de abrandalos e que queden finos e iguais. Despois, salpeméntaos e coloca sobre cada un deles unha rebanda de queixo de barra, enriba unha rebanda de chacina, outra rebanda de queixo e un filete final pechando o libro.

Prepara dous pratos para o rebozado. Un deles con fariña e outro con dous ovos batidos.

Antes de fritir os cachopos prepara a salsa quentando a tona nun cazo. Cando empece a fumegar, bota a sidra natural e deixa cociñar, a lume suave, sen deixar que empece a ferver durante dous ou tres minutos para que se evapore o alcol da sidra. Transcorrido este tempo, tora o queixo de Cabrales e bótao ao cazo removendo constantemente para axudar a disolvelo e evitar que se queime. Cociña todo xunto dous minutos máis ata que todos os ingredientes se integraron ben. Reboza os cachopíns, pasándoos primeiro por fariña e logo por ovo.

Quenta o aceite de oliva virxe extra (sen excederte) e esvara os cachopos un a un. Ao principio sube o lume co fin de que se doren por fóra. Despois báixao a unha temperatura media para que se cociñen por dentro durante dous minutos por cada lado. Sácaos e, inmediatamente, colócaos sobre un prato con papel de cociña para que escorra ben o aceite que sobra. Finalmente, sírveos acompañados da salsa (esta pódese poñer nunha salseira para que cada comensal se sirva segundo os gustos de cadaquen).

O cachopo de tenreira pódese acompañar tamén con patacas fritidas, pementos de piquillo en conserva, pementos asados ou unha ensalada.